Баянзүрх сумын иргэдийн Төлөөлөгчдийн Хурлын “Төлөөлөгчийн өдөр” арга хэмжээ 2019 оны 10 сарын 18-ны өдөр зохион байгуулагдлаа. Тус арга хэмжээний үеэр
- ИТХ-ын ээлжит бус XIV хуралдаан хуралдаж - Хуралдаанаар Багийн хилийн цэс тогтоох, 2019 онд ОНХС-ийн хөрөнгөөр хийгдэх зарим ажлын нэршил, зориулалт өөрчлөх асуудлыг хэлэлцлээ.
- “Тогтоол танилцуулах аян”- 21 төлөөлөгч болон иргэд, албан байгууллагуудад 2019 оны Тэргүүлэгчдийн хагас жилийн тогтоолын эмхтгэл, танилцуулага тарааж байна.
- “Миний мэдэх Төлөөлөгч”эссэ бичлэгийн уралдаан явагдаж- Тус эссэ бичлэг шүлгийн уралдаанд ЕБС-ийн 9-12 дугаар ангийн 22 сурагч оролцож 1-р байр Д.Дэжидмаа, 2-р байр Б.Дуламсүрэн, 3-р байр Г.Энхтуул нар шалгарч өргөмжлөл, мөнгөн шагналаар шагнуулав.
- Бүтээлч ажлын хүрээнд Суурьтын дөрөлжний зам засах ажилд ИТХ, ЗДТГ болон цэргийн дүйцүүлэх албаны 4 залуу хамрагдаж үерт идэгдэж эвдэрсэн гуу жалгыг засварлаж тээврийн хэрэгсэл аюулгүй зорчих нөхцөлийг бүрдүүлэв.
"Төлөөлөгчийн өдөр-2019" үдэшлэг арга хэмжээний үеэр тус сумын албан байгууллагууд ИТХ-ын хамт олонд мэндчилгээ дэвшүүлж гарын бэлэг гардуулан өглөө. ЕБС-ийн хамт олон ИТХ-ын төлөөлөгч нарт "Оюунлаг Хөвсгөлчүүд" энгэрийн тэмдэг гардуулсан болон СӨББ-ын хамт олны мэндчилгээ үдэшлэг, цэнгүүний онцлох үйл явдал байлаа. Мөн Баянзүрх сумын Засаг дарга Б.Баярмагнай, Санхүү албаны дарга А.Дэлгэрмаа нар аймгийн ИТХ-ын "Баярын бичиг"-ээр шагнуулж, УИХ-ын гишүүн Л.Мөнхбаатар төлөөлөгч нарт гарын бэлэг хүргүүлсэнийг гардуулж өглөө.
Төлөөлөгчийн өдрийн арга хэмжээ зохион байгуулсан нь НӨУЁБ болон төрийн албан байгууллагуудын нөхөрсөг харилцааг үүсгэн ИТХ-ын үйл ажиллагаа, тогтоол шийдвэрээ олон нийтэд сурталчилсан үр дүнтэй ажил байв.
Тус арга хэмжээг үр дүнтэй болгож хамтран ажилласан ЗДТГазар, ЕБС, СӨББ, Дүйцүүлэх албаны залуучуудад гүн талархал илэрхийлж, ажлын өндөр дээд амжилт хүсье.
