Урвуулагч хэмээх Шороон гахай жилийн сар шинийн баярыг угтаж тус суманд хүчит бөхийн барилдаан зохион байгууллаа. Уг барилдаанд с/з Б.Батбаясгалан түрүүлж, с/з Т.Баасан-Очир үзүүрлэж, с/н Б.Эрболд, с/з Э.Ганзориг нар шөвгөрөв.
Цолгүй залуу бөхчүүдийн барилдаанд Т.Батбямба 15-н даваагаар түрүүлж, 2-р багийн Батбаяр 11-н даваагаар 2-т, 3-р багийн Баттулга 11н даваагаар 3-т, 2-р багийн Г.Пүрэвхишиг 11-н даваагаар 4-т, 2-р багийн Н.Шинэбаяр, 3-р багийн П.Цэрэнчимэд нар 5,6-р байр эзлэв.
Түрүү бөхийн шагналд Аймгийн ИТХ-ын төлөөлөгч, Тэргүүлэгч Галсангийн Батцогт 200,000 төгрөг, сумын Үндэсний бөхийн холбоо 2-10 дугаар байранд шалгарсан бөхчүүдэд нийт 480,000 төгрөгийн бай шагнал олгосон байна. Барилдааны үеэр 10 азтай үзэгчид 100,000 төгрөг, 2 азтанд 25 кг гурил, супер азтанд тавгийн идээ олголоо.
Мөн Сумын ИТХ, "Уул-Ухаан" ТББ-ын хамтын ажиллагааны хүрээнд тус байгууллагын тэргүүн, АНУ-ын Монтанагийн Их Сургуулийн багш Д.Бадмаа, З.Бат-Эрдэнэ нарын 10 өрхөд олгосон гарын бэлэг, сар шинийн мэндчилгээг хүргэлээ.
"Уул-Ухаан" ТББ-ын гарын бэлгийг:
Д.Баасанчулуу - Эмт баг
Ш.Баасандолгор - Эмт баг
А.Оюун - Тоом баг
Д.Сарантуяа - Тоом баг
Д.Отгонцэцэг - Хайс баг
Д.Амгалан - Хайс баг
Г.Буяндалай - Бэлтэс баг
Т.Цолмон - Бэлтэс баг нарт олгов.
Та бүхнийг Монгол бөхийн босоо цагаан хийморь өнөд ивээх болтугай. Сар шинэдээ сайхан шинэлээрэй.