НӨУЁ-ны 25 жилийн ой тохиож буйтай холбогдуулан Баянзүрх сумын ИТХ-ын зүгээс "Төлөөлөгчдийн хишиг өдөр" арга хэмжээ зохион байгуулав. Энэ үеэр ИТХ-ын ээлжит бус VII хуралдаан болж сумын 2017 оны төсөвт тодогол хийж, иргэдийн эрх зүйн мэдлэгийг дээшлүүлэх "Эрх зүйн хөтөч" баг байгууллаа.
"Төлөөлөгчдийн хишиг өдөр"-ийг тохиолдуулан гар бөмбөгийн тэмцээн, сайн үйлсийн аян, үдэшлэг арга хэмжээ болсон бөгөөд сайн үйлсийн аяны хүрээнд өөрсдийн тойргынхоо 1 өрх, иргэнд хандив үзүүлж, Агар 4 дүгээр багийн төлөөлөгч Т.Мөнхцэцэг, Б.Баярмаа, П.Нямхүү, Г.Одсэр нар багийнхаа 1 өрхөд машин түлээ, Бэлтэс 5 дугаар багийн төлөөлөгч М.Баасанжав, П.Энхтуяа, Д.Түмэнжаргал, Г.Батсанаа нар 1 иргэнд мөнгөн тусламж, Хайс 2 дугаар багийн төлөөлөгч Ч.Батцэнгэл, П.Мөнхөө нар сургуулийн шинэ байранд зориулж тус бүр 100,0, төгрөг, хонь олгосон нь иргэдийн талархалыг хүлээв.
Цаашид НӨУЁ-ны 25 жилийн ойн арга хэмжээ үргэлжлэн явагдах бөгөөд сурагчдын дунд ИТХ-ын тухай анхан шатны ойлголт өгөх, тэдний дуу хоолойг сонсох, шийдвэр гаргах түвшинд хүүхдийн оролцоог хангах зорилгоор "Сурагч-Мини хурал" байгуулахаар төлөвлөж байна.
