ИТХ-нь төлөөлөх, нийтээр дагаж мөрдөх хэм хэмжээ тогтоох,  хяналтын чиг үүргийг хэрэгжүүлэх үүрэг бүхий байгууллага билээ. Өөрөөр хэлвэл иргэн сонгосон төлөөлөгчиддөө хандаж "намайг төлөөлж ажилла", "намайг төлөөлж хэм хэмжээ тогтоож ажилла", "намайг төлөөлж хяналт тавьж ажилла" гэж эрх олгосон хэрэг юм. Иймээс таны сонгосон төлөөлөгч хуралдаандаа хэр идэвхтэй оролцож буйг хянаж байх нь чухал. Тиймээс Баянзүрх сумын ИТХ-ын ажлын албаны зүгээс Төлөөлөгчдийн хуралдаанд оролцож буй байдал, ирц зэргийг хагас, бүтэн жилээр тогтмол гаргаж иргэдэд хүргэн ажиллаж байна.